Naxçıvan Dövlət Texniki Kollecinin “Bələdiyyə işi” ixtisası üzrə II kurs tələbələri üçün “İngilis dilində işgüzar və akademik kommunikasiya” fənni çərçivəsində növbəti auditoriyadankənar məşğələ təşkil olunmuşdur.
04 mart 2026-cı il tarixində Naxçıvan Dövlət Universiteti nəzdində Naxçıvan Dövlət Texniki Kollecinin “Bələdiyyə işi” ixtisası üzrə II kurs tələbələri üçün “İngilis dilində işgüzar və akademik kommunikasiya” fənni çərçivəsində növbəti auditoriyadankənar məşğələ təşkil olunmuşdur. Tədris prosesi universitetin Xarici dillər fakültəsinin sinxron tərcümə otağında həyata keçirilmişdir.
Auditoriyadankənar dərsin keçirilməsində əsas məqsəd tələbələrin ingilis dilində peşəkar və akademik ünsiyyət bacarıqlarının sistemli şəkildə inkişaf etdirilməsi, onların terminoloji baza üzrə biliklərinin möhkəmləndirilməsi və praktik dil kompetensiyalarının genişləndirilməsi olmuşdur. Bu kontekstdə kommunikativ yanaşma, interaktiv təlim strategiyaları və tətbiqyönümlü tapşırıqlardan istifadə edilmişdir.
Məşğələ müasir tədris infrastrukturu, o cümlədən multimedia vasitələri, sinxron tərcümə avadanlıqları və rəqəmsal təqdimat imkanları ilə təmin olunmuş mühitdə təşkil edilmişdir. Tədris zamanı tələbələrin dinləmə, danışma, təqdimat və situativ dialoq qurma bacarıqlarının formalaşdırılmasına xüsusi diqqət yetirilmiş, nəzəri biliklərin praktik tətbiqi prioritet istiqamət kimi müəyyənləşdirilmişdir.
Dərsin yekununda tələbələrə universitetin akademik mühiti, fakültədə xarici dillərin tədrisində tətbiq olunan innovativ metodlar və beynəlxalq standartlara uyğun yanaşmalar barədə ətraflı məlumat verilmişdir. Belə inteqrativ və əməkdaşlığa əsaslanan tədris formatı ali və orta ixtisas təhsili müəssisələri arasında elmi-pedaqoji əlaqələrin möhkəmləndirilməsinə, təcrübə mübadiləsinin genişlənməsinə və tələbələrin peşəkar motivasiyasının artırılmasına mühüm töhfə verir.
Sonda yaradılmış yüksək maddi-texniki baza və göstərilən institusional dəstəyə görə universitet rəhbərliyinə və fakültə kollektivinə təşəkkür ifadə olunur. Qeyd olunan əməkdaşlıq modeli təhsilin keyfiyyət göstəricilərinin yüksəldilməsi və insan kapitalının inkişafı baxımından əhəmiyyətli perspektivlər vəd edir.