07 noyabr 2025-ci il tarixdə Naxçıvan Dövlət Universitetinin nəzdində Naxçıvan Dövlət Texniki Kollecində 8 Noyabr – Zəfər Günü münasibətilə “Zəfərimizin beş illiyi” adlı tədbir keçirilib.
07 noyabr 2025-ci il tarixdə Naxçıvan Dövlət Universitetinin nəzdində Naxçıvan Dövlət Texniki Kollecində 8 Noyabr – Zəfər Günü münasibətilə “Zəfərimizin beş illiyi” adlı tədbir keçirilib. Tədbirin məqsədi Azərbaycan Ordusunun 2020-ci ildə əldə etdiyi möhtəşəm Qələbəni xatırlatmaq, gənc nəsildə vətənpərvərlik hisslərini daha da gücləndirmək və şəhidlərimizin əziz xatirəsini yad etmək olub.
Tədbiri giriş sözü ilə kollecin direktoru Asəf Ruşanov açıb. Direktor çıxışında Azərbaycan Respublikasının Prezidenti, Müzəffər Ali Baş Komandan İlham Əliyevin rəhbərliyi ilə rəşadətli Ordumuzun torpaqlarımızı işğaldan azad etməsindən, xalqımızın birliyindən və bu tarixi Qələbənin Azərbaycan dövlətçiliyi tarixindəki əhəmiyyətindən geniş bəhs edib. O, həmçinin qeyd edib ki, Zəfər Günü təkcə qələbə sevinci deyil, həm də şəhidlərimizə olan ehtiramın, xalqımızın milli ruhunun təntənəsidir.
Asəf Ruşanov çıxışında ötən beş il ərzində ölkəmizdə aparılan quruculuq və bərpa işlərindən, işğaldan azad olunan ərazilərdə həyata keçirilən böyük layihələrdən danışaraq, bu nailiyyətlərin gənclər üçün vətənə sədaqət nümunəsi olduğunu bildirib.
Daha sonra tədbirin bədii hissəsi təqdim olunub. Kollecin tələbələri tərəfindən Zəfər Gününə həsr olunmuş şeirlər səsləndirilib, mahnılar ifa olunub, rəqslər nümayiş etdirilib. Tələbələrin hazırladığı çıxışlar iştirakçılar tərəfindən böyük maraq və alqışlarla qarşılanıb.
Tədbirin sonunda Vətən müharibəsinin gedişini, qəhrəman əsgər və zabitlərimizin döyüş yolunu əks etdirən videoçarx nümayiş olunub. Videoçarxda şəhidlərimizin xatirəsi bir daha ehtiramla anılıb, Azərbaycanın qüdrətli Ordusunun keçdiyi şanlı yol barədə məlumatlar yer alıb.
Tədbir ümummilli birlik, qürur və vətənpərvərlik ruhu ilə yekunlaşıb