8 may 2025-ci il tarixində Naxçıvan Dövlət Universitetinin nəzdində Naxçıvan Dövlət Texniki Kollecində müasir müstəqil Azərbaycanın memarı Ümummilli Lideri Heydər Əliyevin 102-ci ildönümünə həsr olunmuş anım tədbiri keçirilib.
8 may 2025-ci il tarixində Naxçıvan Dövlət Universitetinin nəzdində Naxçıvan Dövlət Texniki Kollecində müasir müstəqil Azərbaycanın memarı Ümummilli Lideri Heydər Əliyevin 102-ci ildönümünə həsr olunmuş anım tədbiri keçirilib.
Tədbir Azərbaycanın müstəqilliyi və bütövlüyü uğrunda canlarını fəda etmiş şəhidlərin və Ulu Öndərin əziz xatirəsinin bir dəqiqəlik sükutla yad edilməsi ilə başlanıb. Ardınca Azərbaycan Respublikasının Dövlət Himni səsləndirilib.
Tədbiri giriş sözü ilə kollecin direktoru Asəf Ruşanov açaraq iştirakçıları salamlayıb və Ulu Öndər Heydər Əliyevin xalqımız və dövlətçiliyimiz qarşısındakı misilsiz xidmətlərindən bəhs edib. Asəf müəllim çıxışında bildirib:
“Bu gün biz, xalqımızın Ümummilli Lideri Heydər Əliyevin 102-ci doğum gününü dərin ehtiramla qeyd edirik. Onun həyat yolu və fəaliyyəti Azərbaycan tarixində əbədi iz qoymuş, milli dirçəlişin və dövlət quruculuğunun əsas sütunlarına çevrilmişdir. Ulu Öndər öz əzmkarlığı, dövlətə və millətə sadiqliyi ilə yalnız bir lider kimi deyil, əsl xalq adamı, əsl vətənpərvər kimi yaddaşlarda qalmışdır.”
Direktor çıxışında Ulu Öndərin təhsilə verdiyi əhəmiyyəti xüsusi qeyd edərək deyib:
“Heydər Əliyev təhsili Azərbaycanın gələcəyinin əsas amili hesab edirdi. Onun rəhbərliyi ilə yüzlərlə gənc xarici ölkələrdə təhsil aldı, minlərlə məktəb, universitet, kolleclər inşa edildi. Bu gün biz onun təməlini qoyduğu bu möhkəm təhsil siyasətinin nəticələrini görürük. Hər birimiz bu ideyalara sədaqətlə xidmət etməliyik.”
Asəf müəllim çıxışında Prezident İlham Əliyevin də fəaliyyətinə toxunaraq qeyd edib:
“Bu gün Ulu Öndərin siyasi kursu möhtərəm Prezidentimiz cənab İlham Əliyev tərəfindən uğurla davam etdirilir. Onun rəhbərliyi ilə Azərbaycan regionda lider dövlətə çevrilib. 2020-ci ildə torpaqlarımızın işğaldan azad olunması, Qarabağda genişmiqyaslı quruculuq işlərinin aparılması – bütün bunlar Ulu Öndərin müəyyən etdiyi strateji xəttin davamıdır. Cənab Prezident İlham Əliyev atasının siyasi irsini qoruyaraq onu müasir dövrün tələblərinə uyğun inkişaf etdirir.”