Naxçıvan Dövlət Texniki Kollecində Təbiət və Texniki Fənlər Birləşməsi Komissiyasının təşkilatçılığı ilə kollecin 100 illik yubleyi münasibətilə “Elmi biliklər – Gələcəyin açarıdır” adlı metodiki diskusiya keçirilib.
6 may 2025-ci il tarixində Naxçıvan Dövlət Universiteti nəzdində Naxçıvan Dövlət Texniki Kollecində Təbiət və Texniki Fənlər Birləşməsi Komissiyasının təşkilatçılığı ilə kollecin 100 illik yubleyi münasibətilə “Elmi biliklər – Gələcəyin açarıdır” adlı metodiki diskusiya keçirilib.
Diskusiyanın əsas məqsədi fənlərin tədrisində elmi biliklərin gündəlik həyatla əlaqələndirilməsi, müəllimlər arasında pedaqoji təcrübə və yanaşmaların paylaşılması, həmçinin innovativ və inteqrativ tədris metodlarının təşviq edilməsi olub.
Tədbirdə müxtəlif fənlər üzrə müəllimlər tərəfindən elmi biliklərin fərqli sahələrdə – cəmiyyət, təbiət, texnologiya və sağlamlıq sahəsindəki əhəmiyyətini əks etdirən metodiki məruzələr təqdim olunub. Təqdimatlardan sonra mövzular ətrafında geniş müzakirələr aparılıb, müəllimlər arasında fikir və təcrübə mübadiləsi həyata keçirilib.
Diskusiya interaktivliyi ilə seçilmiş, iştirakçılar arasında elmi biliklərin tətbiq imkanları və fənlərarası əlaqələr mövzusunda fəal fikir bölüşmələri baş tutmuşdur.