Naxçıvan Dövlət Texniki Kollecinin Xarici dillər fənn birləşməsi komissiyasının müəllimi tələbələrlə birlikdə "Konstitusiya və Suverenlik İli" çərçivəsində Naxçıvan Bayraq Muzeyinə ekskursiya təşkil etmişdir.
1 may 2025-ci il tarixində Naxçıvan Dövlət Universitetinin nəzdində Naxçıvan Dövlət Texniki Kollecinin Xarici dillər fənn birləşməsi komissiyasının müəllimi tələbələrlə birlikdə "Konstitusiya və Suverenlik İli" çərçivəsində Naxçıvan Bayraq Muzeyinə ekskursiya təşkil etmişdir.
Ekskursiyanın əsas məqsədi tələbələrə Azərbaycanın dövlətçilik tarixini, milli rəmzlərini və Naxçıvan Muxtar Respublikasının suverenliyi uğrunda göstərilən mübarizəni daha yaxından tanıtmaq olmuşdur. Tələbələr muzeydə nümayiş etdirilən dövlət bayraqları, gerblər, mühüm tarixi sənədlər, fotoşəkillər və digər eksponatlarla tanış olmuş, bələdçinin təqdimatında Naxçıvanın müstəqillik tarixində tutduğu yer barədə ətraflı məlumat almışlar.
Tədbir zamanı Xarici dillər fənn birləşməsi komissiyasının müəllimi çıxış edərək 2025-ci ilin ölkəmizdə "Konstitusiya və Suverenlik İli" elan olunmasının əhəmiyyətini vurğulamış, tələbələri milli dəyərlərə və dövlət rəmzlərinə hörmətlə yanaşmağa səsləmişdir. Ekskursiya tələbələr üçün həm maarifləndirici, həm də vətənpərvərlik ruhunda tərbiyəedici xarakter daşımışdır.
Sonda xatirə şəkilləri çəkilmiş, tələbələrin təəssüratları dinlənilmiş və belə tədbirlərin mütəmadi keçirilməsinin əhəmiyyəti qeyd olunmuşdur.