Naxçıvan Dövlət Universitetinin nəzdində Naxçıvan Dövlət Texniki Kollecinin Texniki İxtisaslar fənn birləşməsi komissiyası müəllimləri Konstitusiya və Suverenlik ili çərçivəsində Naxçıvan Dövlət Universitetinin Kitabxanasında dəyirmi masa keçirmişdir
13 mart 2025-ci il tarixində Naxçıvan Dövlət Universitetinin nəzdində Naxçıvan Dövlət Texniki Kollecinin Texniki İxtisaslar fənn birləşməsi komissiyası müəllimləri Konstitusiya və Suverenlik ili çərçivəsində Naxçıvan Dövlət Universitetinin Kitabxanasında dəyirmi masa keçirmişdir.
Tədbirdə Naxçıvan Muxtar Respublikasının Konstitusiyası, suverenlik anlayışı və onun milli inkişaf strategiyasındakı rolu müzakirə edilib. Çıxışçılar Azərbaycanın dövlət müstəqilliyinin qorunması, hüquqi və texnoloji inkişafın paralel şəkildə aparılmasının vacibliyi barədə fikirlərini bildiriblər.
Tədbirdə iştirak edən müəllim və tələbələr mövzu ətrafında geniş müzakirələr apararaq Konstitusiya və Suverenlik ilinin əhəmiyyətindən danışıb, hüquqi maarifləndirmənin və milli dəyərlərin qorunmasının vacibliyini vurğulayıblar.
Sonda tədbir iştirakçıları müzakirələrin elmi və praktik əhəmiyyətini qeyd edərək, bu kimi tədbirlərin davamlı təşkil olunmasının faydalı olacağını bildiriblər.