18 dekabr 2024-cü il tarixində Naxçıvan Dövlət Universitetinin nəzdində Naxçıvan Dövlət Texniki Kollecində Naxçıvan Muxtar Respublikasının 100 illik yubileyi ilə əlaqədar "Xanlıqlardan Muxtariyyətə" mövzusunda tədbir keçirilmişdir.
18 dekabr 2024-cü il tarixində Naxçıvan Dövlət Universitetinin nəzdində Naxçıvan Dövlət Texniki Kollecində Naxçıvan Muxtar Respublikasının 100 illik yubileyi ilə əlaqədar "Xanlıqlardan Muxtariyyətə" mövzusunda tədbir keçirilmişdir. Tədbir əvvəlcə Ulu Öndər Heydər Əliyevin və Azərbaycan Respublikasının suverenliyi uğrunda canlarından keçmiş soydaşlarımızın əziz xatirəsi 1 dəqiqəlik sükutla yad edilməsi ilə başlanmışdır. Daha sonra dövlət himninin səsləndirilməsi ilə tədbirə rəsmi başlanğıc verilmişdir.
Tədbirin açılış nitqini Naxçıvan Dövlət Texniki Kollecinin direktoru Asəf Ruşanov söyləmiş, çıxışında Naxçıvan Muxtar Respublikasının 100 illik tarixini, bu illər ərzində əldə edilən uğurları və Azərbaycan Respublikasının müstəqilliyi uğrunda göstərilən fədakarlıqları geniş şəkildə izah etmişdir. O, həmçinin Naxçıvanın zəngin tarixini, bu torpağın azadlıq və suverenlik yolunda verdiyi mübarizəni vurğulamış, bu günkü günü şanlı müstəqilliyin layiqli davamçısı olaraq gələcəyə doğru inamla addım atıldığını qeyd etmişdir.
Daha sonra tədbirin bədii hissəsinə keçilmişdir. Kollecin tələbələri tərəfindən hazırlanan və Naxçıvanın tarixi keçmişini, onun xanlıqlar dövründən muxtar respublika statusuna qədərki prosesləri əks etdirən tamaşa nümayiş olunmuşdur. Tamaşada Naxçıvanın azadlıq mübarizəsi və bu yolda verdiyi qanlı-qanlı mübarizələr, həmçinin böyük liderlərin və xalqın birliyinin önəmi vurğulanmışdır. Tələbələrin ifasında səhnələşdirilən hadisələr iştirakçılarda dərindən hisslər oyandırmış və onların keçmişə olan hörmətini artırmışdır.
Tədbir iştirakçıları daha sonra Naxçıvan Muxtar Respublikasının 100 illiyinə həsr olunmuş videoçarxı izləmə imkanı əldə etmişdir. Videoçarxda Naxçıvanın keçdiyi tarixi yol, müxtəlif dövrlərdəki sosial və iqtisadi inkişaf, habelə müstəqillik uğrunda aparılan mübarizənin təcəssüm etdirdiyi əhəmiyyətli məqamlar nümayiş olunmuşdur. Tədbir, həmçinin Naxçıvanın gələcəkdə daha da güclənəcəyinə, inkişaf edəcəyinə dair müsbət düşüncələrlə sona çatmışdır.