22 noyabr 2024-cü il tarixində Naxçıvan Dövlət Universitetinin nəzdində Naxçıvan Dövlət Texniki Kollecində "Təhsil Naminə" adlı marifləndirici tədbir keçirilib.
22 noyabr 2024-cü il tarixində Naxçıvan Dövlət Universitetinin nəzdində Naxçıvan Dövlət Texniki Kollecində "Təhsil Naminə" adlı marifləndirici tədbir keçirilib. Tədbir, Naxçıvan Dövlət Universitetinin nəzdində Naxçıvan Musiqi Kollecinin bədii yaradıcılıq şöbəsinin müəllimi Həsənli Abbas tərəfindən təşkil olunub.
Tədbiri giriş sözü ilə açan Naxçıvan Dövlət Texniki Kollecinin direktoru Asəf Ruşanov tədbirin əhəmiyyətini vurğulayıb. O, təhsilin cəmiyyətin inkişafında və milli dəyərlərin qorunmasında mühüm rol oynadığını qeyd edərək, belə tədbirlərin gənclərin təhsil və mədəniyyət sahəsindəki inkişafına böyük töhfə verdiyini bildirdi. Asəf Ruşanov, təhsil müəssisələrinin, xüsusən də Naxçıvan Dövlət Texniki Kollecinin, gəncləri müasir dövrün tələblərinə uyğun şəkildə yetişdirmək və onların akademik, mənəvi inkişafına dəstək vermək istiqamətindəki fəaliyyətini yüksək qiymətləndirdi. O, bu tədbirin məqsədinin təhsil və mədəniyyətin əhəmiyyətini geniş auditoriyaya çatdırmaq olduğunu qeyd etdi.
Daha sonra, Naxçıvan Musiqi Kollecinin direktoru Məhəbbət Babayeva və həmin kollecin müəllimi Həsənli Abbas çıxış edərək tədbirin əhəmiyyətindən bəhs etdilər. Onlar təhsil sahəsindəki yeniliklər, tələbələrin bədii yaradıcılıq sahəsindəki nailiyyətləri və bu cür tədbirlərin onların inkişafına necə təsir etdiyini vurğuladılar.
Tədbirin sonunda tələbələrin hazırladıqları səhnəciklər nümayiş etdirildi. Bədii hissədə iştirak edən tələbələr, öz yaradıcı bacarıqlarını göstərərək tədbirə xüsusi rəng qatdılar.
Bu marifləndirici tədbir, iştirakçılara təhsil və mədəniyyətin cəmiyyətdəki əhəmiyyətini bir daha xatırlatmaqla yanaşı, gənclərin öz bacarıqlarını inkişaf etdirmək üçün mühüm bir platforma oldu.