7 noyabr 2024-cü il tarixində Naxçıvan Dövlət Universitetinin nəzdində Naxçıvan Dövlət Texniki Kollecində Vətən Müharibəsinin "Qələbə"nin 4-cü ildönümünə həsr olunmuş tədbir keçirilib.
7 noyabr 2024-cü il tarixində Naxçıvan Dövlət Universitetinin nəzdində Naxçıvan Dövlət Texniki Kollecində Vətən Müharibəsinin "Qələbə"nin 4-cü ildönümünə həsr olunmuş tədbir keçirilib. Bu tədbir, həmçinin Vətən Müharibəsində şəhid olmuş və itkin düşmüş 14 nəfər gənc oğlumuzun xatirəsini anmağa yönəlmişdir.
Tədbirin açılışında Naxçıvan Dövlət Texniki Kollecinin direktoru Asəf Ruşanov çıxış edərək, Azərbaycanın Vətən Müharibəsində əldə etdiyi böyük qələbənin əhəmiyyətindən danışmış və şəhidlərimizin qəhrəmanlığını yad etmişdir. O, müharibənin hər bir anının xalqımız və dövlətimiz üçün böyük əhəmiyyət daşıdığını, şəhidlərimizin və itkin düşən hərbçilərimizin qəhrəmanlığının heç vaxt unudulmayacağını vurğulamışdır.
Tədbirdə, həmçinin, müharibənin dəhşətlərinə məruz qalmış şəhid ailələrinin və qazilərin hissləri və xatirələri də dinlənilmişdir. Şəhid valideynləri və yaxınları çıxış edərək, evladlarının fədakarlığından və Vətən uğrunda verdikləri mübarizədən danışmış, qələbənin əldə olunmasında onların göstərdiyi əzmkarlığın əhəmiyyətini qeyd etmişlər.
Tədbir iştirakçıları həmçinin şəhidlərimizin adlarını anaraq, onların xatirəsini bir dəqiqəlik sükutla yad etmiş, müharibənin qəhrəmanlarını heç vaxt unutmayacaqlarını ifadə etmişlər.
Bu tədbir, həm də gənclərin vətənpərvərlik ruhunun möhkəmlənməsi, şəhidlərimizin əziz xatirəsinin gələcək nəsillərə ötürülməsi baxımından əhəmiyyətli olmuşdur. Kollecin müəllim və tələbə heyəti də bu mərasimdə iştirak edərək, müharibə və şəhidlərimizin böyük qələbəsindəki rolunu daha dərindən dərk etmişlər.