Tələbə Təşkilatları

                  Tələbə Həmkarlar İttifaqı haqqında ümumi məlumat

Tələbələr həmişə gənclərin ən aktiv hissəsi olaraq tanınıblar. Təbii ki, bu enerjini tənzimləyən, onu doğru istiqamətə aparan və ona kömək edən strukturlara böyük ehtiyac duyulmaqdadır. Tələbə Həmkarlar İttifaqı Komitəsi tələbələrin hüquqlarını qoruyan yeganə təşkilatdır. THİK kollecdə tələbələri ictimai işlərə cəlb edərək bu istiqamətdə formalaşmaları, kollecin daxili nizam-intizam qaydalarına riayət etmələri, tələbələrin asudə vaxtlarının dəyərləndirilməri, yay və qış məktəblərinin təşkili, kollecin ictimai həyatı və elmi cəhətdən fərqlənən THİK fəallarının mükafatlandırılmaları istiqamətində fəaliyyət göstərir.

     Bu nöqteyi-nəzərdən Naxçıvan Dövlət Texniki Kollecinin Tələbə Həmkarlar İttifaqı Komitəsinin (THİK) fəaliyyəti böyük önəm daşıyır. THİK kollecin idarə olunmasında da yaxından iştirak edir. Belə ki, Naxçıvan Dövlət Texniki Kollecində tələbələrlə bağlı qəbul olunan bütün qərarlarda bu qurumun rəyi nəzərə alınır.

 1. THİK-nın strukturu

     Təşkilatın rəhbər orqanları – Konfrans, Komitə və İdarə Heyətidir. Naxçıvan Dövlət Texniki Kollecinin Tələbə Həmkarlar İttifaqı Komitəsinin Rəyasət Heyəti 10 nəfərdən, o cümlədən, Sədr və müvafiq olaraq 8 ixtisas sədrindən ibarətdir. Kollecdə təhsil alan bütün tələbələr THİK-nin üzvüdür.

2. Təşkilatın əsas fəaliyyəti

2.1. Tələbələrin elmə və biliyə olan marağının artırılması

     Bu istiqamətdə vaxtaşırı THİK-nın təşkilatçılığı ilə elmi, elmi-praktik konfranslar keçirilir, elmi müddəalara əsaslanan və sanballı elmi nəticələri ilə seçilən məqalə sahibləri diplomlarla mükafatlandırılırlar.

2.2. Cismən və ruhən sağlam gəncin formalaşması

   “Sağlam bədəndə sağlam ruh” prinsipini əsas tutaraq müxtəlif idman növlərində – futbol, basketbol, voleybol və s. yarışlar keçirilir. Bu tədbirlər həm sağlam gənclərin yetişdirilməsində, həm də onların zərərli vərdişlərdən uzaq olmasında köməklik göstərməklə yanaşı, çox ciddi problem olan məşğulluq məsələsində də önəmli bir addımdır.

2.3. Tələbələrə sosial dəstək

     Naxçıvan Dövlət Texniki Kollecində təhsil alan tələbələr arasında aztəminatlı, gənclər böyük pay təşkil edir. Naxçıvan Muxtar Respublikası Gənclər Fondunun dəstəyilə onlara maddi dəstək vermək üçün Komitə müəyyən işlər yerinə yetirir. Maddi çətinliyə düşən və THİK-ya müraciət edən tələbələrə də fərdi qaydada köməklik göstərilir.

2.4. Vətənpərvərlik ruhunun formalaşdırılması və gənclərin milli dəyərlərimizə hörmətlə yanaşması uğrunda görülən işlər

     Təşkilatın ən səmərəli fəaliyyət istiqamətlərindən birini də bu sahədə aparılan işlər təşkil edir. Bunlardan vətənpərvərlik mövzusunda hazırlanmış teatr səhnələri, videoçarxlar, maarifləndirici tədbirləri və s. qeyd etmək olar.  2020-ci ilin iyul döyüşləri zaman şəhid olmuş Milli Qəhrəman general-mayor Polad Həşimovun xatirəsinə aid teatr səhnəsi, Vətən müharibəsinin gedişində vətənpərvər ruh yüksəlişinə aid çəkilmiş videoçarxlar, Zəfər bayramına həsr olunmuş tədbirlər bunların arasında daha mühüm yer tutur. Komitənin ən mühüm fəaliyyətlərindən biri də ondan ibarətdir ki, gündəlik qayğılarına qapanıb qalan istedadlı tələbəni gündəmə gətirir, onu ictimai fəaliyyətə cəlb edir.

2.5. Tələbələrin ictimai tədbirlərə cəlb olunmalarına şərait yaratmaq, intellektual yarışlarda iştirakını təmin etmək

     Komitənin nəzdində Kollecin Teatr Klubu da fəaliyyət göstərir. İstedadlı tələbələr sistematik olaraq qurduqları tamaşaları kollec ictimaiyyətinə təqdim edirlər. Tələbə Həmkarlar İttifaqı Komitəsinin nəzdində müxtəlif adda intellektual klublar da fəaliyyət göstərir ki, bu da tələbələrimizin intellektual baxımdan inkişaf etməsinə öz töhfəsini verir. İntellektual klublar özündə  Nə?  Harada? Nə zaman?, “Xəmsə”, “Axtar tap”, “Vətəni tanı” turnirlərdə iştirak edən komandaları birləşdirir və müntəzəm olaraq kollec daxilində intellektual yarışların təşkil olunmasını təmin edir. Həmçinin 2016-cı ildən Kollecdə “Şən və Hazırcavablar Klubu” (KVN) da fəaliyyət göstərir.

                            Tələbə Gənclər Təşkilatı haqqında ümumi məlumat

   Tələbə Gənclər Təşkilatlarının tarixi Azərbaycan Respublikası Prezidentinin İcra Aparatının rəhbəri «Azərbaycan Respublikasında gənclər və tələbələrlə işin təkmilləşdirilməsinə dair tədbirlər planının təsdiq edilməsi haqqında» 2005-ci il 15 fevral tarixli 41 №li Sərəncamı ilə bağlıdır. Həmin Sərəncamın icrası ilə əlaqədar Təhsil Nazirliyinin üzərinə düşən vəzifələrin icrasını təmin etmək məqsədilə Azərbaycan Respublikasının Təhsil naziri  «Azərbaycan Respublikasında gənclər və tələbələrlə işin təkmilləşdirilməsinə dair tədbirlər planının təsdiq edilməsi haqqında» 2005-ci il 28 fevral tarixli 89 №li əmr imzalamışdır. Bununla da bütün dövlət və qeyri-dövlət təhsil müəssisələrində tələbələrin sayından asılı olaraq tələbə-gənclər təşkilatlarının yaradılması başlanıldı.

    Tələbə Gənclər Təşkilatlarının fəaliyyətini tənzimləmək məqsədilə 2005-ci ilin 6-7 may tarixlərində Gənclər, İdman və Turizm Nazirliyi (indiki Gənclər və İdman Nazirliyi) və Təhsil Nazirliyi «Ali və orta ixtisas təhsili müəssisələrində fəaliyyət göstərən Tələbə-Gənclər Təşkilatlarının Əsasnaməsi»ni təsdiq etmişlər. 2007-ci ildə isə, Əsasnamə yenidən işlənərək hər iki nazirlik tərəfindən təsdiq olunmuş, ali və orta ixtisas təhsili müəssisələrinə paylanılmışdır.

   TGT-lərin əsas məqsədi dövlət gənclər siyasətinin həyata keçirilməsi istiqamətində tələbələrin və ayrı-ayrılıqda hər bir tələbənin maraqlarını təmsil və müdafiə etmək, respublikanın ictimai-siyasi, mədəni, sosial, iqtisadi həyatında onların fəal iştirakını təmin etməkdir. Təşkilatın əsas vəzifələri aşağıdakılardır:

– tələbələrin sosial problemlərinin həlli istiqamətində işin həyata keçirilməsi;

– tələbələr arasında maarifləndirmə işinin aparılması;

– tələbələrin asudə vaxtının səmərəli təşkil edilməsi;

– tələbələrin hüquqlarının təmin edilməsi;

– respublikanın daxilində və xaricində keçirilən müsabiqələrdə, olimpiadalarda, sərgilərdə, festivallarda istedadlı və yaradıcı tələbələrin iştirakının təmin edilməsi;

– tələbələr arasında narkomaniya, alkoqolizm, cinayətkarlıq, əxlaqsızlıq və digər neqativ meyllərə qarşı profilaktik tədbirlərin həyata keçirilməsi;

– tələbələrin iştirakı ilə müsabiqələrin, seminarların, festivalların, forumların, toplantıların, sərgilərin, aksiyaların, dəyirmi masaların, elmi konfransların, təlim kurslarının, kütləvi təbliğat kompaniyalarının, diskussiya klublarının, müzakirələrin, simpoziumların, görkəmli şəxslərlə görüşlərin təşkil edilməsi;

– tələbə və gənclərlə bağlı həyata keçirilən tədbirlər, habelə respublikanın ictimai-siyasi, sosial-iqtisadi və mədəni həyatında baş verən hadisələr barədə məlumatların çatdırılması məqsədi ilə qəzet və dərgilərin nəşr olunması;

– tələbələrin maraq və meyllərini, intellektual inkişafını təmin etmək üçün dərnəklərin, studiyaların, klubların, kursların, xidmətlərin təşkil edilməsi;

– tələbələrin problemlərinin öyrənilməsi və müvafiq qərarların qəbul olunması üçün Elmi Şuraya məsələlərin çıxarılması, ali və orta ixtisas təhsili müəssisələrinin rəhbərliyi qarşısında vəsadətin qaldırılması;

– təhsil alan tələbələrin sayı, onların dərsə davamiyyəti, nizam-intizamı, yataqxana ilə təminatı barədə müvafiq kafedra və fakültələrdən məlumatların alınması;

– qanunvericilikdə qadağan edilməyən digər vəzifələrin həyata keçirilməsi.

    Naxçıvan Dövlət Texniki Kollecinin Tələbə Gənclər Təşkilatı 25 may 2005-ci ildən fəaliyyət göstərir. Tələbələrin özlərinin idarəetmə orqanı olan TGT tələbələrin hüquqlarını qorumaq, potensialını aşkarlamaq, tələbə şəbəkəsi ilə əhatəsini genişləndirmək, gələcəyə fikirlərini yönəltmək və strategiyasını qurmağa dəstək olmaq, tələbələrin asudə vaxtını maraqlı təşkil etməkdir.

    Kollecin daxilində keçirilən tədbirlər, intellektual yarışmalar, debat çempionatları, sərgilər, idman yarışları, musiqi festivalları və s. kimi tədbirlər TGT-nın üzvləri və yeni üzv olan tələbələrin layihələri əsasında formalaşır. Maraq və ixtisas dairəsinə əsaslanan bu layihələri həyata keçirən layihənin müəllifidir. Tələbə ideyasını TGT Layihələr Departamentinə təqdim edir. Layihələr Departamenti ideyanı layihə kimi formalaşdırıb mövzuya uyğun olan departamentə ünvanlandırır. Departament rəhbəri layihəni sədr müavinlərinə ünvanlandırır. Bir neçə düzəlişlərdən sonra layihə TGT sədrinə ünvanlanır. Sədr tərəfindən təsdiqini tapan layihə start halını alır. Layihəni qəbul etmiş departament ideya müəllifi olan tələbəyə lazımi məlumat və informasiyanı çatdırır. Layihə müəllifi layihəsini həyata keçirmək üçün işçi qrupu yaradaraq öz fəaliyyətinə başlayır. Layihənin məkanı və zamanı müəyyənləşdirildikdən sonra layihə başlayır.

    Kollecdən kənarda keçirilən tədbirlərdə tələbələrin iştirakını könüllü təşkil etmək üçün keçirilən tədbirin mövzusuna marağı olan tələbələr cəlb edilir. Bu vəzifəni qrup sədrləri təşkil edir. Bu sistem vasitəsi ilə NDTK TGT tələbələrin asudə vaxtının təşkilində və onların ixtisaslarının təkmilləşdirilməsində və maraqlarının artırılmasında tələbələri düzgün şəkildə məlumatlandırmış olur.

                                             Tələbə-Gənclər Təşkilatının Əsasnaməsi

                                            I.   Ümumi müddəalar

  • Ali və orta ixtisas təhsili müəssisələrində fəaliyyət göstərən Tələbə-Gənclər Təşkilatı (bundan sonra «Təşkilat») təhsil alan gənclərin ümumi maraqlarını və könüllülük prinsiplərini əldə rəhbər tutaraq, onların təhsil müəssisəsinin ictimai həyatında fəallığını artırmaq, hüquqlarının müdafiəsini, maraqlarını, asudə vaxtının səmərəli təşkilini, maraq və meyllərini, intellektual inkişaflarını təmin etmək, habelə qruplar və fakültələr arasında sıx əlaqələr yaratmaq məqsədi ilə təsis edilir.
  • Təşkilat Azərbaycan Respublikasının Konstitusiyasına, qanunlarına, Gənclər və İdman Nazirliyinin, Təhsil Nazirliyinin qərar, əmr və tövsiyələrinə, ali və orta ixtisas təhsili müəssisələrinin nizamnamələrinə və bu Əsasnaməyə uyğun olaraq fəaliyyət göstərir. Təşkilat təhsillə və tələbələrin problemləri ilə bağlı məsələlərin operativ həllinə nail olmaq üçün dövlət orqanları, qeyri-hökumət və beynəlxalq təşkilatlarla qarşılıqlı əlaqədə fəaliyyət göstərir. Təşkilat ali və orta ixtisas təhsili müəssisələrində tələbələrin ümumi maraqlarına və könüllülük prinsiplərinə əsaslanan müstəqil tələbə-gənclər təşkilatıdır.

                                    II.   Təşkilatın əsas məqsəd və vəzifələri

  • Təşkilatın əsas məqsədi dövlət gənclər siyasətinin həyata keçirilməsi istiqamətində tələbələrin və ayrı-ayrılıqda hər bir tələbənin maraqlarını təmsil və müdafiə etmək, respublikanın ictimai-siyasi, mədəni, sosial, iqtisadi həyatında onların fəal iştirakını təmin etməkdir.
  • Təşkilatın əsas vəzifələri aşağıdakılardır:
    • tələbələrin sosial problemlərinin həlli istiqamətində işin həyata keçirilməsi;
    • tələbələr arasında maarifləndirmə işinin aparılması;
    • tələbələrin asudə vaxtının səmərəli təşkil edilməsi;
    • tələbələrin hüquqlarının təmin edilməsi;
    • respublikanın daxilində və xaricində keçirilən müsabiqələrdə,
  • olimpiadalarda, sərgilərdə, festivallarda istedadlı və yaradıcı tələbələrin iştirakının təmin edilməsi;
    • tələbələr arasında narkomaniya, alkoqolizm, cinayətkarlıq, əxlaqsızlıq və digər neqativ meyllərə qarşı profilaktik tədbirlərin həyata keçirilməsi;
    • tələbələrin iştirakı ilə müsabiqələrin, seminarların, festivalların, forumların, toplantıların, sərgilərin, aksiyaların, dəyirmi masaların, elmi konfransların, təlim kurslarının, kütləvi təbliğat kompaniyalarının, diskussiya klublarının, müzakirələrin, simpoziumların, görkəmli şəxslərlə görüşlərin təşkil edilməsi;
    • tələbə və gənclərlə bağlı həyata keçirilən tədbirlər, habelə respublikanın ictimai-siyasi, sosial-iqtisadi və mədəni həyatında baş verən hadisələr barədə
  • məlumatların çatdırılması məqsədi ilə qəzet və dərgilərin nəşr olunması;
    • tələbələrin maraq və meyllərini, intellektual inkişafını təmin etmək üçün dərnəklərin, studiyaların, klubların, kursların, xidmətlərin təşkil edilməsi;
    • tələbələrin problemlərinin öyrənilməsi və müvafiq qərarların qəbul olunması üçün Elmi Şuraya məsələlərin çıxarılması, ali və orta ixtisas təhsili müəssisələrinin rəhbərliyi qarşısında vəsadətin qaldırılması;
    • təhsil alan tələbələrin sayı, onların dərsə davamiyyəti, nizam-intizamı, yataqxana ilə təminatı barədə müvafiq kafedra və fakültələrdən məlumatların alınması;
    • qanunvericilikdə qadağan edilməyən digər vəzifələrin həyata keçirilməsi

                       III.   Təşkilata üzvlük, üzvlərin hüquq və vəzifələri

  • Ali və orta ixtisas təhsili müəssisələrinin tələbələri təhsil aldıqları müəssisələr üzrə təşkilata üzv ola bilərlər. Təşkilata üzvlük könüllü xarakter daşıyır. Təşkilata üzvlərin qəbulu İdarəetmə Şurası tərəfindən həyata keçirilir. Təşkilata üzv olmaq istəyənlər İdarəetmə Şurasına yazılı şəkildə müraciət Müraciətə 10 gün müddətində baxılır və İdarəetmə Şurasının üzvlərinin yarıdan çoxu müsbət münasibətini bildirdikdə üzvlüyə qəbul həyata keçirilir.
  • Təşkilatın üzvləri bərabər hüquqludurlar və aşağıdakı hüquqlara malikdirlər:
    • təşkilatın idarəçiliyində iştirak etmək;
    • təşkilatın hər hansı seçkili orqanına seçmək və seçilmək;
    • təşkilatın təşkil etdiyi tədbirlərdə iştirak etmək;
    • təşkilatın fəaliyyəti barədə məlumat almaq;
    • müxtəlif layihə və proqramlarla çıxış etmək;
    • öz mənafelərinin müdafiəsinə kömək göstərilməsi üçün təşkilata müraciət etmək.
  • Təşkilatın üzvü eyni zamanda iki seçkili orqanın üzvü ola bilməz.
  • Təşkilatın üzvləri aşağıdakı vəzifələri daşıyırlar:
    • təşkilatın Əsasnaməsinə əməl etmək;
    • gördüyü işlərə məsuliyyətlə yanaşmaq;
    • təşkilatın seçkili orqanlarının qərarlarını yerinə yetirmək.
  • Təşkilatın üzvünün fəaliyyətinə aşağıdakı hallarda xitam verilir:
    • təşkilat ləğv edildikdə;
    • könüllü olaraq təşkilatın üzvlüyündən çıxdıqda;
    • təşkilatın üzvlüyündən çıxarıldıqda.
  • Təşkilat üzvünün üzvlüyünə xitam verilməsindən narazı qaldığı halda İdarəetmə Şurasına şikayət etmək hüququ

                                            IV.   Təşkilatın strukturu

  • Təşkilat aşağıdakı strukturlara malikdir:
    • qrup təşkilatı;
    • fakültə təşkilatı;
  • ali və orta ixtisas təhsili müəssisəsi (universitet, akademiya, institut, konservatoriya, kollec, texnikum) üzrə təşkilatı.
  • Qrup təşkilatı ən azı 3 (üç) nəfərdən ibarət olan tələbə – gənclər təşkilatının ilk özəyidir. Qrup təşkilatının işinə gizli səsvermə yolu ilə seçilmiş sədr və sədr müavini rəhbərlik edir. Qrup təşkilat üzvlərinin sayı 20-dən çox olduğu təqdirdə sədr və sədr müavini daxil olmaqla 5 (beş) nəfərdən ibarət İdarə Heyəti seçilir. Qrup təşkilatının İdarə Heyəti, üzvlərinin təşəbbüslərini fakültə İdarə Heyətinin diqqətinə çatdırır və fakültə üzrə qəbul edilən fəaliyyət proqramının qrup daxilində icra olunmasını təmin edir. Qrup təşkilatının İdarə Heyətinin iclasları ən azı ayda 2 (iki) dəfə keçirilir. Fakültə təşkilatı fakültə üzrə olan qrupların ən azı yarısında özəklər fəaliyyət göstərdiyi təqdirdə yaradılır. Fakültə təşkilatının işinə gizli səsvermə yolu ilə seçilmiş sədr və sədr müavini rəhbərlik edir. Fakültə üzrə qrup təşkilatlarını təmsil edən nümayəndələrdən, sədr və sədr müavini daxil olmaqla ən azı 7 (yeddi) nəfərdən ibarət İdarə Heyəti formalaşdırılır. İdarə Heyəti fakültə təşkilatı üzvlərinin təşəbbüslərini Təşkilatın İdarəetmə Şurasının diqqətinə çatdırır və onun qəbul etdiyi fəaliyyət proqramının fakültə daxilində icra olunmasını təmin Fakültə təşkilatının İdarə Heyətinin iclasları ən azı ayda 1 (bir) dəfə keçirilir.

                                       V.   Təşkilatın İdarəetmə orqanları

  • Təşkilatın idarəetmə orqanları aşağıdakılardır:
    • Konfrans;
    • İdarəetmə Şurası;
    • Təftiş Komissiyası.

                                                  KONFRANS

  • Təşkilatın ali orqanı ildə bir dəfədən az olmayaraq çağırılan Konfransdır. Konfrans nümayəndələrinin seçilməsi təhsil müəssisəsində tələbələrin sayına əsasən formalaşdırılır və İdarəetmə Şurası tərəfindən təsdiqlənir. Üzvlərin yarıdan çoxunun yazılı müraciətinə və İdarəetmə Şurasının qərarına əsasən növbədənkənar Konfrans çağrıla bilər. Konfransın çağırılması barədə təşkilatın üzvlərinə ən azı 20 (iyirmi) gün qalmış məlumat verilməlidir.
  • Konfransın səlahiyyətinə aşağıdakılar aiddir:
    • İdarəetmə Şurasının və Təftiş Komissiyasının seçilməsi;
    • İdarəetmə Şurasının say tərkibinin müəyyənləşdirilməsi;
    • təşkilatın Əsasnaməsinə dəyişikliklərin edilməsi üçün təkliflərin verilməsi;
    • təşkilatın strukturunda dəyişikliklərin edilməsi;
    • təşkilatın icra orqanlarının səlahiyyətlərinin vaxtından əvvəl dayandırılması;
  • təşkilatın illik hesabatının təsdiq edilməsi;
  • təşkilat üzvlərinin şikayət və müraciətlərinin dinlənilməsi;
  • təşkilatın icra orqanlarının rəhbərlərinin hesabatlarının dinlənilməsi.
  • Konfrans nümayəndələrinin yarısından çoxu (50%+1) iştirak etdikdə səlahiyyətli hesab Konfransda müzakirə olunan məsələlər haqqında qərar nümayəndələrin sadə səs çoxluğu ilə qəbul edilir. Konfransda yazılı protokol aparılır, protokol Konfransın sədri və katibi tərəfindən imzalanır.

                                             İDARƏETMƏ ŞURASI

  • İdarəetmə Şurası konfranslararası dövrdə təşkilatın fəaliyyətinə rəhbərlik edir. Şuranın say tərkibi Konfrans tərəfindən müəyyənləşdirilir.
  • İdarəetmə Şurasının say tərkibi aşağıdakı şəkildə müəyyən edilir: 
  • hər fakültədən 2-3 nəfər olmaq şərti ilə;
    • fakültələrin sayı 5-dən az olan ali və orta ixtisas təhsili müəssisələrində fakültələr üzrə kvotalar artırıla bilər;
    • İdarəetmə Şurasının say tərkibi 11 nəfərdən az olmamalıdır. 5.12.İdarəetmə Şurası iki il müddətinə seçilir.
  • İdarəetmə Şurasının üzvlərinin fəaliyyətinə aşağıdakı hallarda xitam verilir:
    • bakalavr yaxud magistr təhsilini başa çatdırdıqda
    • təhsilini Azərbaycanın digər ali və orta ixtisas təhsili müəssisələrində və ya Azərbaycanın hüdudlarından kənarda davam etdirdikdə;
    • səbəbsiz olaraq İdarəetmə Şurasının iclaslarında ardıcıl olaraq 3 (üç) dəfə iştirak etmədikdə;
    • öz istəyinə əsasən.
  • İdarəetmə Şurası Təşkilatın sədrindən, sədr müavinlərindən və üzvlərdən ibarət olan kollegial orqandır. İdarəetmə Şurasının iclasları ayda iki dəfədən az olmayaraq keçirilir və aşağıdakı səlahiyyətlərə malikdir:
    • təşkilatın üzvlüyünə qəbul və üzvlükdən azad edir;
    • təşkilatın icra orqanlarını yaradır;
    • təşkilatın fəaliyyət planlarını və layihələrini təsdiq edir;
    • Konfransın səlahiyyətinə aid olan məsələlərdən başqa bütün təşkilati məsələlər üzrə qərarlar qəbul
  • İdarəetmə Şurasının yığıncaqları onun üzvlərinin yarıdan çoxu (50%+1) iştirak etdikdə səlahiyyətli sayılır və qərarlar sadə səs çoxluğu ilə qəbul İdarəetmə Şurasının növbədənkənar iclası İdarəetmə Şurasının üzvlərinin 2/3-nin tələbinə əsasən çağrıla bilər. İdarəetmə Şurasının işinə sədr rəhbərlik edir. Təşkilatın sədri İdarəetmə Şurası tərəfindən gizli səs vermə yolu 2 (iki) il müddətinə (yenidən seçilmək hüququ ilə) seçilir. 5.20. Sədr vəzifəsinə bir namizəd iki dəfədən artıq seçilə bilməz.
  • Təşkilatın sədrinin səlahiyyətləri:
  • təşkilatın fəaliyyətinə ümumi rəhbərliyi həyata keçirir, icraedici və sərəncamverici funksiyalar daşıyır;
  • təşkilatı təmsil edir və onun adından çıxış edir;
    • İdarəetmə Şurasının iclaslarına rəhbərlik edir;
    • Konfransın və İdarəetmə Şurasının qərarlarının icrasını təmin edir;
    • Konfrans tərəfindən üzərinə qoyulan digər funksiyaları həyata keçirir;
    • hazırlanmış layihələrin maliyyələşdirilməsi üçün ali və orta ixtisas təhsili müəssisələrinin rəhbərliyinə təqdim edir;
    • öz fəaliyyəti ilə bağlı Konfrans qarşısında hesabat
  • Təşkilatın sədri olmadıqda, onun səlahiyyətlərini sədr müavinlərindən biri həyata keçirir. Sədr müavinləri İdarəetmə Şurası tərəfindən gizli səs vermə yolu 2 (iki) il müddətinə (yenidən seçilmək hüququ ilə) seçilir. Təşkilatın sədr müavini eyni zamanda İdarəetmə Şurasının sədr müavinidir. Sədr müavini vəzifəsinə bir namizəd 2 (iki) dəfədən artıq seçilə bilməz.

                                     TƏFTİŞ KOMİSSİYASI

  • Təşkilatın Təftiş Komissiyası (TK) təşkilatın seçkili orqanlarının, vəzifəli şəxslərinin və üzvlərinin fəaliyyətinin Əsasnaməyə uyğun olması üzərində nəzarəti həyata keçirir. TK-nın say tərkibi 5 (beş) nəfərdən ibarət olmaqla Konfrans tərəfindən 2 (iki) il müddətinə seçilir. TK təşkilatın orqanlarından və üzvlərindən daxil olan ərizələrə 10 (on) gün müddətində baxıb cavab verməlidir. TK-nın tərkibinə seçilmiş şəxslər İdarəetmə Şurasında təmsil olunmamalıdır.

        VI.   Təşkilatın fəaliyyətinin təşkili, əmlakı, layihə və proqramları

  • Təşkilatın fəaliyyət göstərməsi üçün ali və orta ixtisas təhsili müəssisələrinin ayırdığı sahə (otaq) və texniki avadanlıq şərti olaraq təşkiltatın əmlakı hesab Təşkilatın maliyyə fəaliyyəti ali və orta ixtisas təhsili müəssisələrinin ayırdıqları maliyyə vəsaitləri, həmçinin sponsorlar, könüllü ianələr və qanunla qadağan olunmamış digər mənbələr hesabına həyata keçirilir. Təşkilat həyata keçirəcək tədbirlər üçün layihə təklifi ilə çıxış edir. Yalnız layihə təklifi bəyənildikdən sonra onun maliyyələşdirilməsi ali və orta ixtisas təhsili müəssisələri tərəfindən həyata keçirilir. Layihə təklifi eyni zamanda xarici təşkilatlardan alınmış qrant hesabına maliyyələşdirilə bilər. Təşkilat tələbələrin maraqlarını nəzərə alaraq, müxtəlif sahələr üzrə proqramlar hazırlayır, onun ali və orta ixtisas təhsili məktəbləri, dövlət orqanları, qeyri- hökumət təşkilatları, beynəlxalq təşkilatlar və donorlarla əlaqəli formada həyata keçirir.

                                    VII.  Təşkilatın fəaliyyətinə xitam verilməsi

  • Təşkilatın fəaliyyətinə, yenidən təşkili və ya ləğv edilməsinə Gənclər və İdman Nazirliyinin, Təhsil Nazirliyinin müvafiq qərarı və ya Konfransın qərarı ilə xitam verilir. Təşkilatın fəaliyyətinə xitam verilməsi mövcud qanunvericilikdə nəzərdə tutulmuş qaydada həyata keçirilir.

                                          VIII.   Yekun müddəalar

  • Bu Əsasnamədə nəzərdə tutulmayan məsələlər qanunvericiliklə tənzimlənir.
  • Gələcəkdə bu Əsasnamənin müddəaları qanunvericiliklə ziddiyyət təşkil edərsə, qanunvericiliyin müddəaları tətbiq

 

             Tələbə Elmi Cəmiyyəti haqqında ümumi məlumat

Tələbə Elmi Cəmiyyəti Azərbaycan Respublikası Prezidentinin 22 may 2009-cu il tarixli 295 nömrəli Sərəncamına uyğun olaraq və Azərbaycan Respublikası Təhsil Nazirinin 27.06.2014-cü il 752 nömrəli əmri ilə təsdiq edilmiş “Tələbə Elmi Cəmiyyəti haqqında Nümunəvi Əsasnaməyə” uyğun olaraq fəaliyyət göstərir.

     Naxçıvan Dövlət Texniki Kollecinin Tələbə Elmi Cəmiyyəti tələbələrin elmi-tədqiqat və elmi-praktiki işinin təşkili və koordinasiyası üçün yaradılmış və öz fəaliyyətini müəllimlərin iştirakı ilə həyata keçirən tələbə birliyidir. TEC öz qarşısında kompleks vəzifələr qoyur:

  • Tədqiqat işinin əsasının formalaşması və tələbələrin elmi idrak metoduna yiyələnməsi;
  • Tələbələrin tədris materialını dərin və yaradıcı şəkildə mənimsəmələrinə yardım göstərilməsi;
  • Elmin və praktikanın vəhdəti prinsipinə uyğun olaraq tələbələr arasında elmi yaradıcılığın müxtəlif formalarının təbliğ edilməsi, yeni biliklərin yaran­masının əsası kimi fundamental tədqiqatlara marağın inkişaf etdirilməsi;
  • Elmi  və  praktik işə ən çox istedadı və bacarığı olan tələbələrin aşkar edilməsi;
  • tələbələrin elmi və praktik tədbirlərin (konkurs, olimpiada, seminar, konfrans, mühazirə, treninqlərin və s.) keçirilməsi və onlarda iştirak etmək imkanı haqda məlumatlandırılması;
  • tələbələrin, professor-müəllim heyətinin, elmi işçilərin, biznesin nümayən­dələrinin, hakimiyyətin və ictimai birliklərin iştirakı ilə seminar, dəyirmi masa, konfrans, forumların və elmi və praktik xarakterli digər tədbirlərin təşkili və keçirilməsi;

     Tələbə Elmi Cəmiyyətinin yaradılmasında həm tələbələrin təşəbbüsü, onların fəal vətəndaş mövqeyi və elmə marağı, həm də bu cür tələbə birliyinin fəaliyyəti üçün bütün lazımi şəraiti yaradan kollec rəhbərliyi əhəmiyyətli rol oynamışdır. Məhz bu maraqlar balansı, bir növ simbioz şəklində, onun mütəşəkkil inkişafına kömək edən başlıca amillərdən biridir.

     TEC öz fəaliyyətini aşağıdakı formalarda həyata keçirir:

  • TEC-in iclası və qarşıdakı elmi tədbirlər haqqında xəbər verilməsi;
  • Dövlət, ictimai və beynəlxalq təşkilatlarla, elm nümayəndələri ilə əməkdaşlıq;
  • Fənn olimpiadaları;
  • İqtisadiyyatın ayrı-ayrı bölmələri üzrə intellektual və işgüzar oyunlar;
  • Treninqlər və seminarlar;
  • Elmi mövzular üzrə diskussiyalar və cəmiyyətin aktual inkişaf məsələlərinin müzakirəsi;
  • Elmi konfransların, simpoziumların, dəyirmi masaların, işgüzar oyunların keçirilməsi.