Tədris şəraiti

İnnoLab

İnnovasiya Laboratoriyası (InnoLab) Naxçıvan Muxtar Respublikası Ali Məclisinin sərəncamı ilə 3 aprel 2019-cu il tarixli “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsinə dair əlavə tədbirlər və innovasiyaların dəstəklənməsi haqqında” Sərəncamının və 15 aprel 2019-cu il tarixli “Naxçıvan Muxtar Respublikasında ali və orta ixtisas təhsili müəssisələrində ixtisasların müvafiq təşkilatlara hamiliyə verilməsinin vəziyyəti və innovasiyaların dəstəklənməsi barədə” müşavirəsində qəbul edilmiş “Hamiliyə verilən təhsil müəssisələri tələbələrin innovasiya mühitinin formalaşması və innovativ təkliflərinin həyata keçirilməsi üçün ictimai əsaslarla işləyən İnnovasiya Laboratoriyalarını (InnoLab) yaratsın” Qərarının icrasının təmin edilməsi məqsədilə yaradılmışdır. Laboratoriyada tələbələrin layihələrinin hazırlanması üçün lazım olan informasiya texnoloji təminat mühiti və internetdən istifadə tam təmin edilmişdir.

Kimya-biologiya laboratoriyası

Fizika qanunları eksperimental və müşahidə faktorlarına əsaslanır. Bu səbəbdən laboratoriya işləri ümumi fizika fənninin, eləcə də fizika profilli digər fənlərin mühüm tərkib hissəsi olub kollec tələbələrinə fundamental elmi hesablamalar aparmaq və fizika qanunları barədə təsəvvürlərini genişləndirmək istiqamətində bacarıqlarını təkmilləşdirmək imkanı yaradır.

Laboratoriyada aparılan işin məqsədi müvafiq qurğu və avadanlıqların vasitəsi ilə aparılan real təcrübələr çərçivəsində fizika ideyalarının əhəmiyyətini anlamaqda yardımçı olmaq, həmçinin tələbəni fizika sahəsində araşdırmaların aparılması üçün zəruri olan metod və vasitələrlə tanış etməkdir.

       Tələbələr üçün real həyatda kəmiyyət ölçmələrini aparmağın çətinliyini hiss etmək və təcrübə ilə bağlı məlumatları qeydə alıb onlardan istifadə etməyi öyrənmək vacib əhəmiyyət kəsb edir. Bu baxımdan kollecin hər bir tələbəsindən ona verilmiş laboratoriya işini müvəffəqiyyətlə həyata keçirmək və başa vurmaq tələb olunur.

Baytarlıq laboratorİyası

Laboratoriyada qaramal kəlləsinə aid 1, hüceyrə quruluşuna aid 3, dərialtı toxumaya aid 1 avadanlıq , 1 kuluçka makinası, 1 distillə aparatı, 12 ədəd mikroskop və 57 adda kimyəvi maddə  mövcuddur

Steam laboratoriyası

 STEAM bacarıqlarına sahib işçi qüvvəsinə ehtiyac artdığı üçün STEAM təhsili dünyanın hər yerində təhsil islahatının mərkəzindədir və getdikcə daha çox əhəmiyyət kəsb edir. Muxtar respublikada da təhsilin beynəlxalq təcrübəyə uyğunlaşdırılmasınəzərə alınaraq 7 iyun 2021-ci il tarixdə Naxçıvan Muxtar Respublikası Ali Məclisinin Sədri “Naxçıvan Muxtar Respublikasında STEAM təhsil metodunun tətbiqi ilə bağlı tədbirlər haqqında” Sərəncam imzalamışdır. STEAM təhsil metodunun əhatə dairəsinin genişləndirilməsi məqsədini daşıyan Sərəncamın icrasi ilə bağlı ümumtəhsil məktəbləri ilə yanaşı  Naxçıvan Dövlət Texniki Kollecində də STEAM kabinəsi yaradılmışdır. Kabinə müasir dizaynda mebel avadanlıqları, elektron lövhə, 2 ədəd kompüter, 1 ədəd 3D printer və müxtəlif rəngdə çap materialı, Make block, mBot, Arduino BT robotlar, Mindstorms və education lego dəstləri, 3D qələmlər, Arduino və BBC Micro:bit proqramlama və inkişaf dəstləri, servo mühərriklər, LCD ekranlar, micro idarəetmə modulları, RGB led və naqillər, müxtəlif ölçüdə mikro mexanizmlər, kiçik elektronik komponentlər, təlim dəstləri, müxtəlif fiqurların hazırlanması üçün lazım olan alətlər, tədris üçün ofis ləvazimatları və materialları ilə tam təmin olunub.

Fizika laboratoriyası

Fizika qanunları eksperimental və müşahidə faktorlarına əsaslanır. Bu səbəbdən laboratoriya işləri ümumi fizika fənninin, eləcə də fizika profilli digər fənlərin mühüm tərkib hissəsi olub kollec tələbələrinə fundamental elmi hesablamalar aparmaq və fizika qanunları barədə təsəvvürlərini genişləndirmək istiqamətində bacarıqlarını təkmilləşdirmək imkanı yaradır.

Laboratoriyada aparılan işin məqsədi müvafiq qurğu və avadanlıqların vasitəsi ilə aparılan real təcrübələr çərçivəsində fizika ideyalarının əhəmiyyətini anlamaqda yardımçı olmaq, həmçinin tələbəni fizika sahəsində araşdırmaların aparılması üçün zəruri olan metod və vasitələrlə tanış etməkdir.

       Tələbələr üçün real həyatda kəmiyyət ölçmələrini aparmağın çətinliyini hiss etmək və təcrübə ilə bağlı məlumatları qeydə alıb onlardan istifadə etməyi öyrənmək vacib əhəmiyyət kəsb edir. Bu baxımdan kollecin hər bir tələbəsindən ona verilmiş laboratoriya işini müvəffəqiyyətlə həyata keçirmək və başa vurmaq tələb olunur.