"Qəhrəmanların qanıyla yazılan tarix","Zəfərimiz-Qürurumuz" mövzusunda esse müsabiqəsi keçirilmişdir.
Naxçıvan Dövlət Universitetinin nəzdində Naxçıvan Dövlət Texniki Kollecinin" Humanitar" fənlər birləşməsi komissiyasının müəlliminin təşəbbüsü ilə "Qəhrəmanların qanıyla yazılan tarix","Zəfərimiz-Qürurumuz" mövzusunda esse müsabiqəsi keçirilmişdir.Bu müsabiqənin əsas məqsədi 8 Noyabr – Zəfər Gününün tarixi və mənəvi əhəmiyyətini gənc nəsillərə çatdırmaq, Vətən müharibəsində qazanılmış möhtəşəm Qələbənin sevincini, xalqımızın birliyini və qəhrəman oğullarımızın şücaətini təbliğ etməkdir.
Müsabiqə vasitəsilə şagird və gənclərdə Vətənə sevgi, milli qürur və vətənpərvərlik hissləri daha da möhkəmləndirilir. Eyni zamanda, onların yaradıcı düşüncə tərzinin, ədəbi ifadə bacarığının və yazı mədəniyyətinin inkişafına şərait yaradılır.
Bu esse müsabiqəsi gənclərin Azərbaycan Ordusunun qəhrəmanlığını, dövlətimizin gücünü və xalqımızın birliyini dəyərləndirməsinə, Zəfər Gününün əbədiyyət rəmzi kimi yaddaşlarda qalmasına xidmət edir.